自己床上睡，新表情

平時日頭當您大叫"呀~~~"表示想睡又睡唔到，我都要抱起落帶您先肯睡。今日終於見到例外，可能你吃得飽飽地，睡在我哋張大床上，我唱首搖籃曲，見您在好奇和眼皮重重之間俳迴了十五分鐘，終於肯自己睡著了!!!

離開您一陣，自己喺電腦做嘢，突然聽到您大叫，睇嚟薰衣草熊熊都壓唔住您嘅肌肉突跳，還是您發惡夢?  我有啲體諒做BB嘅辛苦，想像下您有個大頭而條頸又未有力支撐；個腦不繼駁緊線令肌肉不由自主跳動，要安安定定睡唔容易。

今日亦發現有個新表情，就係當同您沖涼時，見您咬下唇，好似唔俾水入口咁。咁樣令自己鼓起泡腮成一塊圓圓的臉，很有趣。