呀呀學語

Zach, 您嘅BB話我大概明白了。當您肚餓時，您嘅"呀呀"喊係會加埋高八度尖叫；當您"噢呀"咁喊，表示您有氣喺肚度，要抱起掃風或卧牀時同您做單車腳運動；當您"呀~~~~~" 長叫，代表您眼訓但訓唔到，我就要抱您訓到為止。當您"hehe"咁喊，代表您唔舒服，好大機會係您呵濕要換尿片。但您係唔會因為屎片唔舒服而喊。

您仲好有禮貌，當我幫你換完尿片，您會報以微笑，我認為您係示意話唔該。您又好有反應同我傾計，當您無嘢做時我望住您，您會"噢噢呀呀"同我講嘢。咁有反應，真係人見人愛。

我唔介意你一陣陣BB味，當中包括奶味尿味便便味。我想這是愛的表現，唔會介意您而全心愛。只要見到您開心咧嘴而笑，心便溶化了，為您上刀山落油獲在所不惜。這就是BB的魔力，令父母不惜一切保護。現在有了您，更讓我接近體會那白頭人送黑頭人是何等的削骨之痛。我想像萬一有一天您先我們到天家，我也會是心痛欲絶。

我嘅父母忘記不少養育我的細節，希望我還能告訴成年的您是如何長大的。今天是您三個月大的生日，您整天要我抱，把您放下床就大叫大喊。拿您出街可能好一些，您很好奇地兩邊望。在教會我發覺您向鏡內的我笑和講嘢，難道您不發覺奇怪嗎? 有兩個爸爸:一個抱着你，一個在鏡內。

但我不太想帶您在空氣被汽車污染的街上走，而您就無知地興奮莫名，還在超級市場贈我兩泡尿，從尿片滲出，把我的短褲也尿濕了。要我把您衝衝帶回家。

媽媽回來了，您才安定下來，繼續和媽媽"伊伊嗚嗚"傾計。